كلمات ماترهم وياي

شتتوقّع ابقى وياك واخطائك هواي
لا حبّي لا غلطان ما ترهم ويّاي

ساكت على الإهمال
منك شفت اشكال
همّي الحملته وويّاك
متحمّله حتّى اجبال

تغلط واعدّل بيك
شتطلب جنت انطيك
غير انه اللّي مسوّيك
شتسمّي هذا الحال

نرجع بعد لا لا صدّگني منعود
لهنا وصلت ويّاك لدرب مسدود

راح التحبّه راح
ها هسّه ها مرتاح
حبّك حمل ونزاح
بعدك صفالي البال

واگف الك وگفات محد وگفهن
ابگد نجوم اللّيل جيب اليعدّهن

ماقصّرت ممنون
صحّ ازمة بس تهون
وربّي تطلع بيك
هالدّنيا هاي ديون

راجع ضميرك زين
شايف وصلت لوين
ماحاسب البعدين
هالعمر ما مضمون

هاك التريده هاك موردت الفراگ
اتمنّى بس ماحنّ عالرّجعة واشتاگ

راح التحبّه راح
ها هسّه ها مرتاح
حبّك حمل وانزاح
بعدك صفالي البال

اغنية ماترهم وياي – أحمد الفارس
Ma Tarham Wayay – Ahmed Al Fares

المزيد من أغاني أحمد الفارس