كلمات شنو الحالة

Grab your popcorn and take a seat
Melon City is back to revive the street
No hesitation No cold feet
No worries No giving up No retreat

ويّو ويّو جاري نقل الحالة
إفتح الطريق سوّي درب للنقّالة

صافرة الإسعاف جايه تنقلك الحالة
السايد الأيسر يفرغ لمن يصفّى مي الإساله

الساعة بالوحدة و عشرة
شمس تمّوز ضاربة راسه كلّه و دفرة
فاقد الوعي ممطوح نايم بالجزرة
شعره واگع جلده كرسبي عيونه صفرة

سلّگ حمّس شوي إيڤري دي
لا يلحگ سبلت و لا يروي مي
مو زيّن الزلمة يتنفّس و بعده حي
صيف جهنّمي حتى الشجرة تدور في
شنو الحالة؟

مطلّك مرته و خسران الحضانه
حزينه الحانه ماكو بجيبه و لا عانه
وضعيّته خربانه مگلوبه عالبطانه
چگه أبره فاليوم بشريانه و نزله هنانه
شنو الحالة؟

فاشنيستا عندها نوبة هلع
حساب الإنستگرام إنسد و لحد هسه ما رجع
مليونين متابع، رشق بس اهم شي الرقم
هي: كل عيشتي عالستوري مصدر رزقي إنگطع

شدّلها مغذّي و إسعفها بأوكسجين
كمّادات 20 ألف لايك عالجبين
بورقه و قلم إكتبلها منوّرة الكوين
بعد ماكو سوشي حبي چقي علبة السردين
شنو الحالة؟

مرتفعة نسبة البطّالة
ماجستير علوم بايو يشتغل عمّاله
عنده نقص فيتامين جنط مدرسة لأطفاله
عنده إيجار مزمن خط مولّد هاي چماله

نداء الى عجلة الإسعاف رقم 56 حوّل
أوس: أسمع عالي و واضح، حوّل

إنهيار عصبي من مراجع بالنفوس
ساعتين ونص واگف بالسرة مكبوس
طلع ناسي صحّته و ناسي صحة الصدور
لازم يركب للكاظميّة النوبه يرجع للمنصور

شالقضيّة شلون شغله هايه
50 سيليزيّة الشارع صاير شوّايه

إدزحام محمّد القاسم طاخ ببسمايه
قافل يمنه قافل يسره قافل من كل الزوايا

ويّو ويّو سوّي درب للإسعاف
ويّو ويّو مواطن صار بي جفاف
صحّي ومادّي و مهني و عاطفي
إفتح الطريق قبل لا يختار الإنحراف

تفاصيل اغنية شنو الحالة – اوس فاضل ومو
Aws Fadil & Moe – Shino El 7ala

كلمات والحان وتوزيع: مو