كلمات غبتي

غبتي وغابت بعدك الشمس عني
وصارت حياتي كلها ليل في ليل
وين النهار الي سرقتيه مني
رديه اشوف الناس ماعاد بي حيل
ماسرني في غيبتك حسن ضني
امسي على ميهاف واصبح على ويل
وش لون اوصلك شعور سكني
وش لون مابل الورق والمناديل

وانتي أعز الماسه في يد البخيل
لولاك غير الناس ماقلت حني
رحتي مثل غيرك سراب وتساهيل
لولا رجاء لاماك ماضحك سني
لولا الغلاء لو لاك يانافل الجيل
لولاك ماغنى القصيد المغني
ولا جرحتني ساجعات المواويل
لولاك ماطارت طيور التمني
ولولا الضماء ماتفرح الارض بالسيل
يامجرحني منك ياكم طعني
عزالله اني منك ذقة الغرابيل

حلم تعذر صاحبه كل تاؤيل
طال انتظاري والصدف ماتثني
ومايندرا وش في كتاب المقابيل
والناس في غيابك كلام وتجني
تكفين لايفرح علي راعي القيل
الناس لو لا الناس ماحد غبني
ولا تحدتني دروب المواصيل
ولا تضايق خاطري وامتحني
بين الرجاء والياس والعدل والميل
ولولا العرب والنار ماحمس بني
ولاغلا في سوقنا طيب الهيل
لولا الشدايد ماكشفنا التبني
ولا عرفنا طيب بعض الرياجيل
رد الليالي ياقمرها تغني
اتعبني الترحال والحط والشيل
غابت وغابت عقبها الناس عني
تمسي على خير واانا اصبح ليل