كلمات انساك

انساك لا ما انساك والله ما انساك
ماهو على بالي ولا نيب ناوي
ياللي دروبي وين ماروح تلقاك
والله مالي غير طيفك مخاوي
هنيه اشوفك بين ذولا وذولاك
وهناك اهوجس بك وحيد خلاوي
يطيب لي يوم اذكرك واتحراك
واطريك واونس لك بروحي حراوي
ولا هوكثير ان قلت روحي فداياك
ان كانها ترضيك والا تساوي
العمر وش تسوا سنينه بلياك
ان قصر والا طولته الرجاوي
وش باقي لي كثر ماراح لولاك
وش غيرحسناتك محت لي مساوي
ويا قل بين الناس مثلك وحلياك
شوفة عيوني لو يقولون غاوي
ما همني قول الملامة بلاماك
ما هو بفرض ولا كتاب سماوي
يكفيني اموتك بدنياي واحياك
ويرضيني اني بك سعيد شقاوي