كلمات اسم ابويا بتشرف بيه

كل شبر في بيت ابويا ليا فيه ذكرى معاه
ليا فيه حكمة ونصيحة عشان اقاوم الحياة
حبة زعيق حبة مسايسة يسألني فاهم
أقوله آه ولما كنت في مشاكي بغرق

يابا يا أعز ما ليا يا أغلي من ضي عنيا
أنا مهما أقول عنك يابا يبقى شوية
في الدنيا دي انت طريقي واعز صاحب وصديقي
احنا اللي بينا كبير يابا ده حب جامد وحقيقي

اسمع ابويا متربي في خيره انا مليش سند غيره
ده لما اقول انا ابنه الاقي الناس بتدعيله
يا سيد الناس يا عكازي دنا اشيلك على راسي
ومين غيرك يا ابويا انا تايه في الدنيا مش راسي

اسم ابويا بتشرف بيه اسم ابويا غني ع التعريف
أنا سيرة ابويا لما بتتجاب بقولوا الناس عليه أساطير
وجود ابويا مطمني في ضهري ابويا مكملني
من صغري وانا بتحامي فيه اغلط وهو يعلمني

يا سيد الناس يا سيد سيدي وسط الناس معليني
مخليني رافع راسي ومتكسرش يوم عيني
وطول ماعليا ابويا بيهل انا مبسوط وفل وفل
يديمك في حياتي سند ياسيد الناس ياعم الكل

يا بري انت ومرسايا يا حتة مني وجوايا
عودت عيني اني تشوفك وكل يوم تبقى معايا
امرني يابا انا خدامك دي حياتي كلها قدامك
يا رب ياخد من عمري ويمد يابا في ايامك

اسم ابويا بتشرف بيه اسم ابويا غني ع التعريف
أنا سيرة ابويا لما بتتجاب بقولوا الناس عليه أساطير

أغنية اسم ابويا بتشرف بيه – عبده الصغير