كلمات الليل الطويل

اه يا الليل الطويل ان كان تدري
يوم انا وياك والقمرا ولايف

انك اللي لا جزع يا ليل صبري
جيتك وشوفي لشوف الناس عايف

تحتويني لين تملك كل فكري
واشتكيلك من همومن جت ردايف

وانت لعلاج الحبايب دوم تحري
كم على حال الحبايب كنت رايف

كل ما هب الشمالي ضاق صدري
جاب نسناسن هباهيبه حسايف

وقمت من داري ولا ادري وين ابسري
وجيت لك يا الليل ودموعي ذرايف

جيت لك بحروف من مشهاة شعري
ودلة هي والجمر دايم حلايف

وفي يدي اللي راسها من راس جمري
وانت لك من عجها للكيف كايف

ايه يا الليل ان لفيتك دوم بدري
لا تنشدني ترا جروحي رهايف