كلمات جاب راسي لـ

جاب راسي يوم شفته جاب راسي
واستحلّ القلب بالطّرف الحنون

صار حبّه وسط قلبي مايقاسي
والمحبّة مبتداها بالعيون

يوم عينه جت بعيني من حماسي
جيت كلّي يا أكون أو ماأكون

في جماله حطّم الرّقم القياسي
فيه من زين البشر من كلّ لون

من حسن يوسف خذا الرّكن الأساسي
بالوصايف والحلايا والشّجون

وكنّ قلبك بالهوى سجن سياسي
من دخل به ما عرف كم يلبثون

جابك الحظّ الكريم وقوّ باسي
ولذّة الصّدفة بلا موعد تكون

جيت مثل الغيث يامروي يباسي
ومعك عاد الجدب جنّات وعيون

وحدك اللّي صبّ لي سحره بكاسي
لين صرت أعشق وصاله في جنون

من نظرني والفكر ماهوب راسي
يا عذابي كان خانتني الظّنون

ساهراً واللّيل لأحزاني يواسي
أتخيّل صورته بين الجفون

يا مدلّل بين حلمي وبين ياسي
ودّي أعرف في حياتك من أكون

شيلة جاب راسي – تركي الشراري
Jab Rasi – Turki Al-Sharari

المزيد من شيلات تركي الشراري
خلها على الله
حنا وطن
ماركة عالمية
نويت