كلمات محتاج فرصة

تعبت أحبك وإنت ساهي ولاهي
محتاج فرصة غير كلمة ظروفك
ما هو صحيح الدنيا بعد وتلاهي
هذا إنت غايب وانا ميت لشوفك
مشتاق لك والشوق فيني يضاهي
بعد المسافه بين كفي و كفوفك
مشتاق حضنك والعيون السواهي
مشتاق أشوفك واتملا بوصوفك
شف للغياب أي حل يسعدك إلٰهي
واحشني صوتك وإهتمامك وخوفك
غيابك أتعب قلبي والشوق راهي
القلب عندي والمشاعر تحوفك
ياهي تموت بحبك الروح وياهي
تهواك عيني وإتمنى طيوفك
حتى(أحبك) لاإنطقتها شفاهي
أرسم في بالي قلب واكتب حروفك
وينه سعود القلب دام إنت لاهي
عايش فرح وانا اللي محتاج روفك
العيد عيدك لٰكن الأاه اهي
وللهم رمز بصدري ما زار جوفك
هذا شعوري وجاك بالحب زاهي
ولا العتب واللوم عدهم ضيوفك
كل يجي ويروح والبال ساهي
إلا إنت في كل شي لاغبت أشوفك