كلمات بحلم بقلب
✍️ كلمات: نبيل مهدي
🎼 ألحان: شاكر الموجي
بحلم بقلب
مايكونش ليه ف الهوى ماضي
ولا عمره حب
ولا انشغل بالحكايه دي
واعلمه ازاي يهواني
و ادوبه ف بحر حناني
و يحبني قد ما احبه
وقلبي يبقى عليه راضي
و بحلم
بحلم بقلب مالوش تاني
ولا داق اسيه ولا اتعذب
ولا يوم يفكر ينساني
ويخاف على قلبي الطيب
و قبل ما اشتاقله يجيني
دايما و يبقى قصاد عيني
واعلمه ازاي يهواني
و ادوبه ف بحر حناني
و يحبني قد ما احبه
وقلبي يبقى عليه راضي
و بحلم
بحلم وحلمي لامتى يطول
و امتى بس حيتحقق
بتمنى حب يعيش على طول
مش يوم وليله ونتفرق
و ارجع و ادور من تاني
على قلب عمره ما ينساني
واعلمه ازاي يهواني
و ادوبه ف بحر حناني
و يحبني قد ما احبه
وقلبي يبقى عليه راضي
و بحلم