كلمات ياروح الدار Ya Roh Aldar

يا روح الدار وانفاس القصيد ونسمة الأشعار
يا حلمي الأول اللي عشت فيه وحلمي الآتي
حبيبة قلبي اللي تعزف بقلبي لحن وأوتار
على خطواتها وانفاسها تعزف كتاباتي

تعالي يا بعد روح المدينه والبشر والدار
تعالي واسكني في وسط صدري واسكني ذاتي
أحبك وأعشقك واخترتك وقلبي هو المختار
يا طيب الحظ في قربك ويا طيب اختياراتي

أحبك كثر ما رفرف جناح العشق فيك وطار
وأحبك كثر ما مرت طيوفك في خيالاتي
وأحبك كثر ما في طلتك حب ورضى وانوار
وأحبك كثر ما وجهت لك كل اتجاهاتي

أحبك أحبك كثر ما هب الهوى الغربي على الاشجار
وأحبك كثر ما سارت على لقياك خطواتي
لو أخسر كل هالدنيا وأهلها انتي الأقدار
أنا اللي منتصر في شوفتك يا اغلى انتصاراتي

غرامك يجري بدمي مثل ما تجري الأنهار
ووجودك يحيي عروق الغلا ويلملم شتاتي
من اللي ما تغار ان شافتك حتى النجوم تغار
في عتم الليل يسطع نور وجهك في الدجى العاتي

يقولون العمر مشوار وانتي غاية المشوار
لآخر يوم في عمري وقربك كل غاياتي
معك واعاهدك ما اخون حبك والعهود كبار
هذا عهد الوفاء مني وهذي أعذب أبياتي