يا مبروك يا مبروك ياللي نجحتي و تخرجتي يا نيالك ياللي ببالك بالهمة وصلتيله و نلتي قديش اليوم استنينا فيه نشوفك سنة ورا سنة عم تطلعي درجة درجة صفوفك واليوم كتبنا بدمعات الفرحة حروفك لنخلي هالفرحة لكل العالم مشهودة ياما ضوينا شموع في ليلك تضوي الهمة والليلة شموعك احلى وانتي في القمة الكل بيحكي من قلبه احلى كلمة الف مبارك والفرحة تضل معك ممدودة صحباتك جولك والكل عم بيهنيك الله يباركلك و يضله راضي عليك يلا اضحكي دايما خلي هالضحكة مفرودة