كلمات واحشني
✍️ كلمات: احمد شتا
🎼 ألحان: خالد جنيدي
زي النهارده حييجي
فاضل يا دوب اسبوع
وباجري الوقت وعيني
بتقول بصوت مسموع
واحشني
واحشني واول ما ييجي حاناديله واحكيله واشكيله عن حالي انا
واحشني حاسلم عليه مشتاق لعنيه يا سلام لو جاني هنا
قلبي بيدق دقه
وسالني الساعة كام
قلبي بيقول برقة
ده انا باتنفس غرام
على كل طريق بكتبه
ولا شئ عنه يحوشني
واحشني
ليل نهار وانا عيني ما بتنامشي
قلبي قايد نار
دوبت دوب والشوق ما بيرحمشي
مش بايدي اختار
وتوبة من بعد النوبة لو سبته يغيب عن عيني ثواني
وتوبة من بعد سكنته في قلبي وبين احضاني