كلمات روضه بنت مكتوم

لبيه يا دبي تامرني وتنهاني
ولبيت لدبي قبل الصوت انا حاضر
دبي اسمي وتاريخي وعنواني
دبي ماضي عريق وفتنه الحاضر
دبي ناسي هلي ربعي وخلاني
دبي اجمل قصيده تلهم الشاعر
ابوي مكتوم علمني ورباني
افدى ثراها وانا اخدم اسمها الطاهر

منها تعلمت طيب وجود واحساني
ومنها تعلمت كيف افكر لباكر
ولو بخدم دبي طول العمر ممداني
تستاهل دبي لو جفني لها ساهر
وانا تنومس اذا افرحت عرباني
واحاول بكثر مقدر اوفي القاصر
واحاول اوقف فخر في موقف انساني
تفخر به الروح ماهو موقفن عابر

روضه انا بنت مكتوم اللي وصاني
اسعى لفرحه قلوب واسعد الناظر
وانا لهذا فدى يا دانه اوطاني
يا دبي يا اولي ويا عمري الاخر
غلاج فطره وحبج شي رباني
وانتي غذا الروح وانتي بسمه الخاطر
لبيه لبيه من قلبي ووجداني
لدبي حاضر وتم وتبشر وتامر