كلمات بصحى من النوم

بصحى من النوم
صوت المنبه تليفون
بمد ايدي عشان اوصل لحد ريموت التلفيزون
مش فاكر سبب واضح كنت ليه ظابط المنبه
نايم في سريري المكركب لابس غريب و شكلي مبهدل
بفتح الموبيل بحجة اني اشوف updates
فتحت شاتك بإبتسامة اتزالت بclick في الbates
مسحت شاتك باستقالة شغلي و تدهور البيت
حاسس اني لازم اواجه حالي خلاص اكتافت
قمت من السرير حسيت في لحظة بجرئه فيه
شكة في قلبي بتفكرني ان حبها مش ليا
مش حاسس اني فارق ليا اللي فارق ليا
كل ما(ء) اشوف خروف فالق شعر فارق لية(ا)
مش هسيب الدنيا تمد تشد تسد تهد فيه
مش هسيب الواقع في عيني باهت لو خللت فيا
مش هسيب مصايب سايبة سبتة زايدة تسكن فيا
مش هسيب لصة سرقت قلبى تحكم كوكب ليا
قلبي مات ده من بدري
وانت لسه عايشة بتجري
"اختفيت من حياتك، واجه!" قرصة جت في ودني
باب طموح مكسور و عين مكسورة شوك محشور في رجلي
بحبس على افكاري في قفص بقفل وانا اللي صانع سجني

قلبي مات من بدري شاب ساب خاب داب
ق-قلبي شاف سواد مكنش المفروض يشوفه
قلبي مات من بدري شاب ساب خاب داب
ق-قلبي شاف سواد مكنش المفروض يشوفه

بصحى من النوم
قبل ما المنبه يقوم
بفتح عيني للمستقبل بقفل عيني للغيوم
امبارح بكرا بكره فكرة فقرة فقرات الهموم
بغرق فيها مش بعوم
نيمو شيك بالهدوم
بمسك الموبيل لسه حاسس فيه حاجة ناقصة
حسك sharpie على صبورة مخي سبته عمله بصمة
حسك مقص لافكاري الاجابية محتاج للذكرة دستر
دقت طمع مر الدنيا مستني اني أدوق الكستر
مستني حب الدنيا ليا بس كرهي زاد
طلقة في مخ اي حد يتكلم عني او يكاد
صوت وشوكوا في وشكوا نهشكو بتجاهل دبان
شيل الcap من على ال fake خلي الحقيقة تبان
"عرفت اتعايش بدون وجودكك" هل لقيتي احسن مني؟
"عرفت انساكي في لحظة فنتو" هل للحظة بتفتكرني؟
"عرفت اواجه الحياه منغيرك منغير مرض نفسي"
كل ده مجرد كلام بحب اقوله اصدق نفسي

قلبي مات من بدري شاب ساب خاب داب
ق-قلبي شاف سواد مكنش المفروض يشوفه
قلبي مات من بدري شاب ساب خاب داب
ق-قلبي شاف سواد مكنش المفروض يشوفه

بصحى من النوم
مفيش منبه تليفون
فين السرير؟
حاسس اني في مركب طايرة مش بتعوم
سامع صوت غريب
من بعيد بيتكلم بس مكتوم
صورتك مش باينه قدامي كأنك تيها في الغيوم
قلت اني بنساكي و اني اقوة دي للاسف كانت كذبة
كل ذكره تعدي قدامي ليكي كنت بتنفسها
مخي بين الذكره الحلوة و المره منك مش بيزهق
مش عارف ازاي انساكي في حته منك فيا بتنده
مش قلنا ايام زمان هنصلح بادينا المشاكل
هفضل مسكه في ايدك حتى لو كل يوم هنتشاكل
بقيت وحيد منغيرك الامل اختفى قدامي اتتاكل
نفسي ارجع بالزمن اسكن في لحظة قلبي شافك
بمشي بالمركب بحاول اوصل حسك قربتي
كل اما اقرب اني اوصلك المسافة بتزيد صنتي
بمد ايدي عشان امسك ايدك بس بتختفي
قلبي خاف من اكتشاف مشاعرك و هي بتكتفي
المركب بتتشق و السماء بتغمق الأرض بتوسع
مش عايز اسيب المركب صعقة تنزل في ايدي تلسع
بقع في الفراغ الشاسع شايف عنيها في الغيوم
صوتها في ودني بيفوقني "اصحى" بصحى من النوم