كلمات بنتقابل
✍️ كلمات: احمد عبدالمنعم
🎼 ألحان: مودي جمال
بنتقابل وصوتنا بيعلى وبيسمع
وندمع واحنا بنتالم
ويقولى انسى واقوله انسانى
ونتفارق ونوحش بعض ونتاسف
ونقول ادينا بنتعلم
عمرنا ماهنعمل كدة تاني
واهو كل يوم على بعض بنقسى
وبنمشي وناوين ع البعد
ونبص فى عين بعض بننسى
فى الاخر مالناش غير بعض
بنتقابل وصوتنا بيعلى وبيسمع
وندمع واحنا بنتالم
ويقولى انسى واقوله انسانى
بنتقابل ونسمع بعض كلام يوجع
وبنمشى من غير مانسلم
ونبيع مش باقيين على حاجة
ونتفارق وفى لحظة نشتاق وبنرجع
وبنضحك ونفضل نتكلم
من غير مانلوم بعض فى حاجة
واهو كل يوم على بعض بنقسى
وبنمشى وناوين ع البعد
ونبص فى عين بعض بننسى
فى الاخر مالناش غير بعض
بنتقابل وصوتنا بيعلى وبيسمع
وندمع واحنا بنتالم