كلمات مجانين عايشين في نعمة Maganeen 3aysheen f n3ma
عبث في كل مكان
مجانين عايشين في نعمة
محدش عجبه حاله
زودلي يابني الجرعة
صحافة اعلام سياسة
ناس عايشة في دنيا تانية
اسمع وافهم كلامي
هاخد من وقتك بس ثانية
العين خلاص بتفتح يوم جديد حلم ثابت
نايم صحيح في ظلمة صاحي شمس نورها باهت
مخبي في ابتسامة مشاكلي كثيرة ريحتها فاحت
الفرحة عارفة طريقها بس في زحمة عيشتي تاهت
عمال تلف سجاير بتهدي دماغك لف
محدش عاجبه حاله وقع خلاص في الفخ
مشاكل لا تأتي فرادة
مطرة نزلة ترخ
الصاحب لو جتله فرصة
افعى في سم يبخ
عبث في كل مكان
مجانين عايشين في نعمة
اخبار في كل حتة مفيش منهم حاجة عدلة
بنات تحت السن دخلة live بقالها فترة
تقلع ترقص تغني تجيب فلوس و ماما عارفة
اضرب تعظيم سلام سمعني نشيد بلدك يافتة
مسلسل لسة بادئ شكله حلو اتفرج عليه
مخدرات وسكر عادي ملفوفين بكام ايفيه
خيانة حاجة عدية حريم بتدور عالجنيه
رجالة مش مفهومة وبلطجية من غير ليه
ماشي سرحان و شارد
زومبي بدم بارد
قاعد مستني فرصة
مصباح مخبي مارد
مارد و لونه ازرق
فاكر نفسه مرزق
فلوس و عيشة حلوة
الواقع نابه ازرق
بدعي مكنش واحد زي غيري مش متشاف
عايش في كهف طالمة زي حشرة او خفاش
امشي من غير مافكر زي كتير مقابلي عاش
هقول و بعلو صوتي من الولادة للانعاش
عبث في كل مكان
مجانين عايشين في نعمة