كلمات حبيبة المستحيل –

صورة المنشد مشعل الشهراني

حبيبة المستحيل المسرفه بالخيال
الفارضه هيمنتها بقلب محبوبها

المدهشه للعيون المائله بعتدال
الواثقه كالملك في سكة دروبها

الحاتميه بدلعها الراهيه بالدلال
المبهره للعقول بروعة إسلوبها

المستبده عطا الطاغيه بالعدال
الوافره من رهاها عند ما جوبها

اليافع اللي يمرجحها نسيم الوصال
والناضجه عقل والفضفاضه بثوبها

اللي تمكيج من العفه مقام ومقال
عذالها مالقو للحين عذروبها

خدينة الياسمين النادره بالخصال
الفارقه عن ذوات الحسن بعيوبها

ريانة المجد بنت العز وإخت الرجال
تاج التواريخ روح الفخر ياعوبها

في سهلها الممتنع لذه وأية جمال
تبيني أغض طرفي عنه واتوبها

وأنا اللي لوصالها لويت يمنى المحال
صادمت عتو الرياح بوجهتي صوبها

تبيني أروح وليا رحت قالت تعال
تمزح وبعض الميانه دوبي ودوبها

دايم تهتلر على قلبي وأنا لا أزال
تذبحني الذكريات إن هبة إهبوبها