كلمات نصيحة عمر
العمر يالادمي لو طال يبقى قصير
يآخذك من مرحله ويوصلك مرحله
تحمد الله على الأنعام حمداً كثير
وعطر لسانك بكل الذكر والبسمله
من صد عن طاعة الرحمن يصلى سعير
حتى ولو يحفظ الانفال والزلزله
فقير الاخلاق اهوّ اللي يسمى فقير
ومكارم اخلاقك اللي ترفعك منزله
من يقبله خالقه خلق الله بتقبله
تغيّر الطبع كاثر فـ الزمان الأخير
فالدين والسلم والخوه وفـ المرجله
الكُبر في القدر ولا العمر كلٍ كبير
مافيه بين العمر والقدر نسبة صله
الصغر صغر العقل والموت موت الضمير
والجهل جهلك لـ شيٍ ماحدٍ يجهله
والسر فالوقت هذا ما لقى جم بير
كم سر ذاعوه ناسٍ قبل ياصل هله
مادام فالناس خير الوقت عاده بخير
لو نفقد الخير واهله هذي المشكلة
معلومات الاغنية
هندسة و توزيع : محمد العلي
تسجيل : فـن الخليج
جرافيك : ناصر البقمي
توزيع ديجيتال : الفان ميوزك