كلمات ويلي منها ويلي

اني من الفرح محروم
ما شايف الراحه ابيوم
لان ماكو صديق يدوم
كل فتره اغيرهم
قله صحه قله النوم
ساكت راضي بالمقسوم
اغلط اني مو معصوم
بس الناس فاهمهم
دنيا ما ظل بها رحمه وماشيه بسرعه
واخر الحب والتعلق بس بجي ودمعه
تضحي وتحاول تبني وتتعب وتسعى
تالي كل اللي بنيته يوقع بدفعه
لا اغراب دامولي ولا احباب
ايش ما احسبها راح اغلط بالحساب
ما ضيع بعد عمري بالدموع
ولابدل ذهب صافي بالتراب

ويلي منها ويلي
الدنيا هدت حيلي
ضيعت لي ليلي على الهموم
ويلي من بشرها
والعشره اللي نكره
روحي الكل جبرها على الهموم

تارك الهم والضجيج ومعتزل ناسي
عالم اللي دخلوا حياتي واجعوا راسي
حسدو وحسبوا العندي وعدوا انفاسي
ضيعوا وقتي ودموعي وجرحوا احساسي
والحصلته من عندهم ولا شيء
ولا واحد وفى حتى افتخر بيه
واذا تنطي يخلونك على الراس
وينزلوك اذا تفكر ما تنطي