كلمات زحمة

زحمه يا دنيا زحمه .. زحمه و تاهو الحبايب

زحمه و لا عادشى رحمه.. مولد و صاحبه غايب

اجى من هنا زحمه ..و اروح هنا زحمه .. هنا او هنا زحمه

زحمه يا دنيا زحمه

زحمه وانا رايح له .. و انا وسط الزحام

عايز يسمع و أؤل له .. ما بيوصلشى الكلام

بيني و بينه معاد .. و هيروح المعاد

اجى من هنا زحمه .. و اروح هنا زحمه .. هنا او هنا زحمه

زحمه يا دنيا زحمه

زحمه و معطلانى ..و ان رحت و ما لئيتوش

اخاف اروح له تانى.. فى معادي و ما الئاهوش

كتير الناس كتير .. و انا عايز اركب و اطير

اجى من هنا زحمه .. و اروح هنا زحمه .. هنا او هنا زحمه

زحمه يا دنيا زحمه

الساعه اللا تلت.. و معادى معاه تمانيه

لا من السكه دى رحت.. و لا لائى سكه تانيه

كتير الناس كتير .. و انا عايز اركب واطير

زحمه يا دنيا زحمه.. زحمه و تاهو الحبايب

زحمه و لا عادشى رحمه.. مولد و صاحبه غايب

اجى من هنا زحمه.. و اروح هنا زحمه.. هنا او هنا زحمه

زحمه يا دنيا زحمه