كلمات طور في ساقية
أنا الطور اللي في الساقية بيلف
و يوم ورا يوم صحتي بتروح و شعري بيخف
من يوم ما وعيت علي الدنيا و أنا بجري
و كاني بسابق الزمن علي رجلي
عقلي في وسط راسي و همومي علي حجري
و عمري ما يوم هديت و سال نفسي
هوا أنا عايش ليه؟ ، هو أنا اي حلمي؟
من مدرسة لجامعة للجيش للغربة
بنفخ في الزبادي زي الملسوع من الشربة
وخدها كعب داير من الجيزة للكربة
ترس في ماكنة شغال
و الصحة عال العال
مش مهم الفلوس، المهم راحت البال
غفلتي ساعتين بقي عندي جوز عيال
الوقت بيعدي و أنا زي خيال الماته
عايش من غير شغف من غير هدف لحياته
عايش و مش عايش ، علي رأي عمرو دياب
حياة من غير طعم ، كلها هباب فهباب
هوا ده طبيعي و لا ده اكتأب
كان نفسي أتغير بس الصراحة أنا مكسل
مش اسهل انزل القهوة واضرب معسل
حصاني من غير لغام، ماشي في عكس السير
بيقولي متخفشي، لسه الدنيا بخير
لسه عنده أمل اني ممكن أتحول
مع اني معيش بنزين و محتاج أنا افول
و كاني محتاج اعمل ريستارت من الاول