كلمات شرهات الأيام لـ

دمعٍ تعلّق على أطراف الهدب قطرة
مقيّدة ينتظر لحظة يواسيني

يويق غير الوعد لو طال به صبره
تبقى عفيفة وراها رجل حاديني

تواقدت في خفوقي حالة قشرة
تنادي الماضي اللّي قلت ناسيني

أسكنتها بالضمير الحيّ والجمرة
لا قبل يجرّ الهموم الليل يمسيني

ياعين قدّمتها طيب وغلا نظرة
مردودها خير عند الناس يجزيني

أحوال تمشي كذا وأحوال منحدرة
أساير إحساس غارقٍ في شراييني

كم صاحبٍ ممتلي بالصدق معتبره
طبعه تبدّل تناسى بيننا سنيني

شرهات الأيّام فوق الحمل والقدرة
أخفض حدود التوقّع دون تبييني

لا تنتظر مقفيٍ خلاك تنتظره
اسمع لصوت الكرامة والله يعيني

اللوم كسر مجاديف الصبر حسرة
يانفس خفّى ظلام الضيق كاسيني

عتمة تقاسم شعوري ماخذة شطره
والعمر يمضي ياليت اليوم يعفيني

تاهت معي خطوتي والروح منفطرة
مسجونها في قصيدي مع دواويني

لملمتها في حروفي لكن الكسرة
أنّي أشوف الوضع يزداد يكويني

هذي محطّات حلمي خطّها حبره
ضاعت ما بين البحور وبين يديني

اغنية شرهات الأيام
Ahmad Al Ghamdi – sharhat alayam

المزيد من أغاني أحمد الغامدي
حبك سراب
وش خذيت
السلامة وين
يابو المصايب