كلمات كلمات اغنية يا شتاء

يا شتاء جو الحبايب
فيه نسمات وسحايب
وتلتقي فيه القرايب
مثل ورد المزهريه
قلبي بـ جوّه خذاني
في غرام السولعاني
لي بتياره رماني
في البحور الدايريه
خذني بجزره ومدّه
ولي مضى من العمر ردّه
يوم ريعان المودّه
والليالي الجوهريه
خذني بلطف ومزوحي
لين له سلمت روحي
راعي الطرف الذبوحي
حط لي جروحن طريه
ياني اباب الدعابه
وهو في زمّت شبابه
وشب في القلب التهابه
وأنا مالي مقدريه
لو عذرته ما عذرني
خذني ب امر وكسرني
وخان وقتي ما نصرني
وأنا ما عندي دريه
صرت مملوك لجماله
وأعتبر إني حلاله
ولا سقاني من زلاله
مشفّاه الكوثريه
قام يسحبني بخده
بين وصل بين صده
لين وِصْل الصبر حده
واشتكت روح(ن) بريه
كل فعلٍ من عيونه
زادني هون ومهونه
وفَر تفكيري وشونه
كنني بارض عريه
ليش يبعدني حبيبي
يوم هو مني قريبي
يابه الحظ ونصيبي
حظ صدفه هب شريه