كلمات اسال نفسي

اسال نفسي دائما
ليش يشغلني مصيرك
حتى بفكري هائما
ياترى وشهو اخيرك
لاني حبيبك او قريب
حتى تكوني اهتمامي
وانا معك مثل الغريب
ماهمك بحالي وهيامي

الصمت في نفسي جليل
والقول ماحرك لساني
والدرب في وصلك طويل
ياليت املي لك خذاني
في عينك الشي العجيب
يحل من عزمي لثامي
حتى اذا زولك يغيب
كنك على الذكرى امامي

الوقت في طيه حدث
بخير بشراه او بغيره
والعمر في الدنيا ورث
للغيض مايصاد طيره
واللي به احساسي يصيب
تكفيه عيني عن كلامي
يدري انه لقلبي حبيب
واعامله بصادق غرامي