كلمات ياشوق
✍️ كلمات: فاتك بن فهر ال سعيد
🎼 ألحان: ميحد حمد
ياشوق ما منك لا رحمه ولا توبه
عنك ومنك علاج الجرح يالغالي
شربكتلي من هواك الغزل وهدوبه
لاياس قاطع ولا لي بانت امالي
ما تدري العمر بالايام محسوبه
ما عاش من عاش غير العايش العالي
زين اغتنام الوداد بادي دروبه
وان ما كسبتوا وله ما ينفع التالي
لقيا محب بعد مده وغيبويه
اعذب من الشهد واحلي لي من الحالي
في روض نبت خضير الغصن يزهوبه
ومسايل هادناتف مبرد ظلالي
ليمن ظوى الليل والداجي كسى ثوبه
تسمع خرير المياه بوارث الجالي
والشرت ذنان فيه العطر مصحوبه
مرت بمخضر عشب نبته اشكالي
محلا اللقا في جمال سحره اعذوبه
والجو مستور عن حاسد وعذالي
لقيا تفرق عن المستوحش ادروبه
تشفى الظمايا وتنعش جسم البالي
فيها المودين كلن نال مطلوبه
يوم انكشف للهوى مستور الاحوال
جلسه سمر والعتاب العذب يحلوها
ومنادمن بين ود وشوقه الغالي