كلمات عالم خيالي
عايشة في عالَم خيالي
ماهو انا كدة احلالي
كل المشاكل دي في عالم
و انا مع روايتي في عالَم موازي
مع كل كتاب عالم جديد
عالَم من غير ملل وخداع
و طبعا انا البطلة اكيد
و لما بيخلص بكره لحظة الوداع
عالَم ببقى فيه مش وحيدة
كل يوم في اصحاب جديدة
عمرهم في مرة ما خانوني
عالَم عيبه الوحيد انه مش حقيقة
عالَمكم ده بقى معيوب
و انا كدة مرتاحة سيبوني
بس براحتكم لو مُصرين تلوموني
مبقاش يأثر فيا كلام بيتقال مش مكتوب
طب انا يعني مكنش نِفسي؟
اعيش معاكم في عالَمكم
بس بعد الي شفته منكم
بصراحة خُفت على نَفسي
قولوا عليا مجنونة برَحِتكم
ما جنان بجنان......
مين فينا مش مريض نَفسي
عالَم ببقى فيه مش وحيدة
كل يوم في اصحاب جديدة
عمرهم في مرة ما خانوني
عالَم عيبه الوحيد انه مش حقيقة