كلمات مرايا

أنا أول نور وقع، أنا أول فكر تمرّد
كنت  النور، بس رفضت أسجد، أنا اللي خيّر واتبدّل
قالوا ملاك؟ لأ، أنا حرّ، رفضت أنحني ل وهم
أنا الحقيقة، والإنسان، والتمرد جوّه الدم

أنا الفكرة الكسرت الصمت، أول صوت قال "لأ!"
أنا أول سؤال فـ عقل آدم، قبل ما ياكل من الشجرة
قالو تمرد؟ قلت طموح،  قالو كُفر؟ قلت وضوح

أنا مش عدوّ، أنا إنت، أنا الرغبة  الغالبة
أنا القوة اللي مش بتتبع، أنا النار اللي اللهابة
من ساعتها وانتو بتخافوا،
بس من غيري مفيش حرية، بس من غيري مفيش معرفة

أنا الشيطان؟ لأ، أنا الإنسان في صورته الفانية
أنا الملاك الساقط ، أنا الأصل في الرواية

أنا الكلمة الأولى فـ الرفض،
أنا الصوت العالي ف الصمت
أنا وقفت قدّام النور،
قلت: "مش كل احكامك عدل"

أنا النار اللي جوّاك بتغلي،
مش مخلوق من طين،
مش عبد، انا السيّد فى مُلكى
الصراع  بين علاقة الكون بالدين

قبل ما تكونو كنت أنا،
فكرة فـ عقل الخلود، تمرد فـ حضن السما
قالو اسجد لآدم، قلت ليه؟
أنا نار، هو طين، ده حكم مفيش عدل فيه

طُردت؟ عادي، أنا اخترت،
ما تبعتش، أنا صنعت خطّي بطول الأرض
كل مرة تغلط، ترمى عليا السبب،
بس الحقيقة: أنا إنت لما ترفض تتكسر زي الخشب

أنا اللي علمتك تسرق، تحلم، تكسر حدودك
أنا أول شعلة فـ قلبك تقولك: “اكسر كل قيودك”
أنا مش شر مطلق، أنا المراية،
أنا الوش التاني للحكمة، مخفي وراه حكاية
أنا انعكاس الوعي لما يرفض ينصاع،
أنا اللي بيحركك... وانت فاكره صراع

أنا مش عدوّك… أنا إنت،
أنا الإنسان من غير خوف، من غير خضوع، من غير قيود
أنا البداية، أنا النهاية،
أنا الفكرة اللي بتطاردك… وعمرك ما عرفت معناية

أنا الكلمة الأولى فـ الرفض،
أنا الصوت العالي ف الصمت
أنا وقفت قدّام الكل،
قلت: "مش كل احكامه عدل"

أنا النار اللي جوّاك بتغلي،
مش مخلوق من طين،
مش عبد، انا السيّد فى مُلكى
الصراع  بين علاقة الكون بالدين

أنا ال همست ف ودنك،
وقت ما الكل قالك بطّل، أنا القلتلك كمل فكك
أنا اللي وقفتك ،
أنا السبب ف صوتك العالي وسط ناس بتبطل

أنا خليتك تتحدى خوفك،
وأقنعتك إنك مختلف، مميز، فوقهم،
أنا اللي غيّرت تعريف الصح،
خليتك تصدّق إنك الإله، والباقي بح

أنا اللي علمتك تشك،
فـ كل إيد ممدودة، وكل عين بتبُصلك بحُب
أنا مش وهم، أنا واقع،
أنا المخليك ترفض كل قيد حتى لو الواقع خاضع

أنا اللي سايبك تايه،
ما بين حُلم السيطرة، وحقيقة الهزيمة الدايمة
أنا كل خطوة بتاخدها،
أنا الدافع، وأنا السبب، وأنا اللي هتندم عليه فـ الآخر

أنا الكلمة الأولى فـ الرفض،
أنا الصوت العالي ف الصمت
أنا وقفت قدّام النور،
قلت: "مش كل احكامك عدل"

أنا النار اللي جوّاك بتغلي،
مش مخلوق من طين،
مش عبد، انا السيّد فى مُلكى
الصراع  بين علاقة الكون بالدين

رفعت عيني...
المرايا قدامي، الوش... هو  وشي
كل السمعته كان صوتى ،
كان طالع منّي... مش شيطان خفي

أنا اللي كنت بتمرد،
أنا اللي شايف نفسي أكبر، والكون لازم يتغيّر
أنا اللي شايف الناس خدم،
وأنا التاج فوق راسي، باقي البشر طين و غلط

فجأة...
سكت الصوت، لكن طيفه لسه جوايا
مش شيطان برا، ده أنا...
أنا اللي اخترت أكون المراية

أنا مراية... مش الشيطان،
أنا الشغب وسط الأمان
أنا سؤال مالوش إجابة،
أنا الغرور فـ قلبي... لابس وشّ الحكمة

أنا الرفضت الطاعة،
فـ صرخة الشجاعة
أنا لا ضحية، ولا ملاك،
أنا انسان من النار مش طين من تراب