كلمات خيل القصيد

انا اللي لا سرجت الفكر وحصان القصيد ابداع
تخيلت الورق صحرا وفكري جامح ابداعي
لان الشعر له منهج وله مسلك وفن اقناع
اذا ما ابهر السامع بيوتي ما لها داعي
وانا اللي لا كتبت اكتب ذهب اصلي ولا بلماع
وعن سوق الذهب يكرم ولا يشرى ولا يباعي
واذا قالوا بيوتي كلها تشبه شعر فزاع
اقول الشعر في قمة جماله صار فزاعي

وانا اللي لا عشقت اعشق سما يوم العشق في القاع
وعن بحر العشق والشوق مبطي طاوي شراعي
لاني فيك يا فيني شبهنا من شبهنا ظاع
انا انت وانت انا وعاذل عشقنا ظاعي
احبك ما ورا التفكير والتعبير والاقناع
لانك عمري الباقي وحبك اخر اطماعي
على صوتك على همسك لقيت العمر ياللي ضاع
وعلى صوتك غفت عيني وصوتك اخر اسماعي

تعال اعيشك الدنيا واشمك وردي الفواع
تعال اغمض عيوني وقلبي م الوله واعي
تعال بروض من حبك واسوار الغرام اظلاع
تعال وعيش في قلب وامطر م الوله قاعي
انا بمركب محبه معك ورياح الغرام شراع
واوادع كل هالدنيا واترك سلة اوجاعي
لاني معك يا عمري احس ان العمر ما ظاع
واذا بعكس انا الجمله حياتي والعمر ظاعي