كلمات امام مرايتي

امام مرايتي واقف
اطالعني و اجهلني
‏تغيرت بشكل كلي
انا مو قادر افهمني
‏لا قلبي اللي مثل اول
‏و صبري ما بقى به حيل
‏ولا شي قادر اتقبل
‏من العالم طفح هالكيل
‏مابين ظنونهم ضايع
يجيبوني و يودوني
‏خذوا مني هنا عمري
و بعيد هناك خلوني
‏يجيب الله الفرح بكره
و يردلي اللي خذوا مني
‏انا منهم كذا واقف
اطالعني ولا اعرفني
‏انا مو باجمل ايامي
ولكني بعيد بخير
‏هناك اشوف قدامي
امل بالله و دنيا خير

‏امام مرايتي واقف
ما يشبهني سوا اسمي
‏عطيت اصحابي دم قلبي
و خانوا وحرقوا دمي
‏سوا هالبعد مالي حل
‏امر ما يحتمل تاجيل
‏لحد منكم علي يسال
‏كفايا مجامله و تمثيل
‏عشان اواجه العالم
انا محتاج للوحده
‏محد في داخلي عالم
ماغير الله هو وحده
‏ملامح وجهك تاكد
كثير بهالزمن اذوك
‏ ياقلبي الطيب القاسي
هم اللي عالقسى حدوك
‏انا مو باجمل ايامي
ولكني بعيد بخير
‏هناك اشوف قدامي
امل بالله و دنيا خير