كلمات درب الغلا

‏على درب الغلا روّح براسي قلبي المجنون
‏يدرّج خطوتين الشوق والتحنان لأحبابه
‏بعد فكيت له باب الصدر ليلة وقلت تمون
‏نفض ريشه ورا وجه الغرام ورحت بأسبابه
أنا حريته عندي ورا ـضلاعي وهو مسجون
‏وهو حريته في كسر جنحانه ومخلابه
ألومه لالقيت الصدق كاذب والغرام جنون
‏ولا ألومه وأنا ألاحظ وجيه الناس كذابة
‏ولا ألومه وأنا ألاحظ وجيه الناس كذابة
‏وأنا وشلون ألومه في الجمال اليوسفي وشلون
‏وهو تجتاحه ظروف الحياة وتحرق أعصابه

‏لقى غيمة ترش الما وتعطي للصحاري لون
‏بعد جفت مواريد الوفا من طعنة أصحابه
‏يا صُدفة وأعدت عمري لقا ما بين كاف ونون
‏يا موعد يجمع الإثنين في واحد على بابه
‏أحبه كثر ما تغري وصوف الفاتن المفتون
‏وأحبه كثر ما يدفن غلاه بقلبي عتابه
‏وأحبه كثر ما يدفن غلاه بقلبي عتابه
‏مخبي حبه بصدري عشان الناس ما يدرون
‏وتفضحني عصافير الغرام وريحة أعشابه

‏يا ويلي كل ما لاح الحيا في وجهه المزيون
‏وفاحت وردتينه من هواه وعضّ عنابه
‏تذوب الشمس لذة من حلاياه وتميل غصون
وشعاع الطيف كل ما طلّ نسج طيفه من ثيابه
‏عيونه مكحلة ما أدري كحل منثور ما أدري عيون
‏ورمشة غابةٍ متشابكة من فوقها غابة
‏ورمشة غابةٍ متشابكة من فوقها غابة
‏بعينه نظرة الحب وجواهر سره المدفون
‏وعلى شفة عسله توقّف النحلة وتزهى به

إذا سوّى بقصته الحريريه دلع ها اللون
‏يطيح اللي يمشّط لحيته و يفتل أشنابه
‏لا رزّ السيف الأملح ماني بحاجة مية مليون
‏يا با يقطع بسيفه حزني القاتل من غيابه
‏غيابه آه يا غيابه هو اللي بيح المكنون
‏‏وطاحت خطوتين الشوق والتحنان بترابه
‏فداه العاقل اللي ما يلوم العقل والمجنون
‏وفداه اللي يلوم العاشق اللي فاقد أحبابه