كلمات الحمايا صعيبه
ولع النار وارم من الحطب في لهيبه
واصدح العزوه اللي جعلني ما اعدمها
شد سرج الفرس والاش ماينغزيبه
تكبر القاله وتصغر وهو ما لطمها
ما نبا الا اصوك راسه عن امية كتيبه
كل ما مالت جموع المعادي هزمها
يشري الموت ويبيع العمر باللي هيبه
ما يدلل على روحه يا سوام سمها
واسم يحط ربعه في حرج لاخدمها
الحمايا صعيبه الحمايااااا صعيبه
لو تجي قدم عين الاش قام يخطمها
يابن جدعان يا حامي مفاخر عتيبه
فالمواقف تقدمها وترفع علمها
فاول السربه اللي فالمناوخ عطيبه
تشعم النار وخشوم الدهاه اتخزمها
انت راع امهيوبه والفعايل مهيبه
مجدك اكبر من اللي مجدها هرج فمها
منك ضاقت على اعداك الفجوج الرحيبه
من غباين قهرها دوب تسحب نسمها
تبني احلامها وانت تحضر وتهدمها
عشت يا ركننا اللي كلنا نعتزيبه
الهقاوي معك دايم يشلع سهمها
لابغتك القبيله فالامور التعيبه
حطتك في نحور اخصامها واستلمها
وان زبنك الدريك اللي الزمان يعثيبه
يحذف همومه وينسى مرارة طعمها