كلمات حد تايه
✍️ كلمات: زياد الزرزور
🎼 ألحان: كامل ايهاب
خلوا قلبي لما يحزن
افضل اضحك مش ببين
الدموع دي لو مسكن
كان هيبقي الحزن هين
نفسي تعبت من اللي فيا
جوا مني حد تايه
بس مش باين عليا
مهما يحصل شكلي رايق
كل يوم زي اللي قبله
بس بتزيد الجراح
واللي يمشي بيجي بعده
بس بعدوا وكله راح
فتره عدت شوفت فيها
وحده جايه في الطريق
ناس كتيره بهون عليها
روحي رايحه حاسس بضيق
يوم ما بفرح بلقى حزني
بيشاورلي من بعيد
هو اكتر حد زارني
لما كنت عايش وحيد
سبت نفسي احزن وشكلي
كل يوم بيبان عليه
مين هيسندني في مشاكلي
طب لوحدي انا هعمل ايه
الهموم هدتلي حيلي
عشت ليلي انا مش بنام
واما حد يعوز يجيلي
مني يخلص الكلام
السكوت بقا طبع سابت
وابتسامتي مابتفارقش
جوا قلبي حاجه ماتت
واني هرجع مفتكرش
وحده صعبه واختارتني
هبقي قد الاختيار
ناس كتيره دمرتني
بس انا خدت القرار
قلبي مش مستني تاني
حد يجي ياخد مكان
اصلي حابب اكون اناني
مش هكون زي زمان