كلمات مريض
✍️ كلمات: عليم ( محمود عليم )
🎼 ألحان: مصطفى الشعيبي
اضعف مين انك يوم تشوف
ايوه انت اجبن من الظروف
عمرك ما اخدت في يوم قرار
و ناقلي احساس كله خوف
ايوه انت راجل بالكلام
مش بالحنان والاهتمام
ولا خدتني في حضنك في يوم
ولا احتويتني بشكل عام
انت مريض و عايز تمرضني
عن كل الدنيا بتبعدني
و على وجودك بتعودني
و ناوي تسيبني فجاه عشان اموت
انا حاجه ف اخر اهتماماتك
انا دايما دور تاني في حياتك
لكن والله و حياتك
لتعيش بعدي تتمنى الموت
قليت ف نظري من كتير
وصغرت بعد سنين كبير
انا اقبل الناس اي نوع
لا الا معدوم الضمير
راح مني لك اي احترام
هظلم ليه نفسي معاك حرام
لو كنا لسه مكملين
انا كان زمان جالي انفصام