كلمات عوضي على الله

وقاتل الجسم مقتول بفعلته
وقاتل الروح لا تدري به البشر

يا اللي امنتك على قلبي وخنت امانتك
لو القلوب ليها محاكم كنت سجنتك
وكان زمانك دلوقتي واقف تبكي
واتنين عساكر ساحبينك على زنزانتك

الوعد دين وانت واعدني وحالف ليا
سرقت مني سنين عمري وخليت بيا
حكيت حكايتي لكام قاضي ردوا وقالوا
غدر الاحبه في دنيتنا ملهوش ديه

وعوضي على الله
في شقايا اللي اترمى
يا ابو قلب جاحد
انا كرهتك عمى
عوضي على الله
في شقايا اللي اترمى
يا ابو قلب جاحد
انا كرهتك عمى
واستنظر حسابك من قاضي السما

دماغي من السهر اتفلقت وعينيك غفلت
ودموعي من القهر اتدلقت وامسك تفلت
انا اللي كانوا الناس على ضحكتي حاسدني
دلوقتي من الناس والدنيا نفسي اتقفلت

وعوضي على الله
في شقايا اللي اترمى
يا ابو قلب جاحد
انا كرهتك عمى
عوضي على الله
في شقايا اللي اترمى
يا ابو قلب جاحد
انا كرهتك عمى
واستنظر حسابك من قاضي السما