كلمات جيتك لـ

جيتك من حدود الخيال اللي يداعبه النسيم
أحمل شعور العاشق الوافي على ساق وقدم

جيتك على جنح العشق والشوق والليل العتيم
من بد ها العالم أبيك انته حبيبي بالاسم

آخذ المهم وآخذ الأهم عاشق أنا بحبك أهيم
وحدك وبس بدنيتي إنت المهم وأنت الأهم

والله العظيم بداخلي حبٌ وشوقٌ لك عظيم
وأكبر من حدود الفضا حبك في روحي مرتسم

حقيقة ما تقبل جدال أو شك يا أغلى نديم
بس وحدك أنته دنيتي والكون من بعدك عدم

أحتاج لوصالك أنا وأنا أعرفك جداً كريم
وأشتاق لعيونك ولو يصيبني منها سهم

ودي أشوفك وأهتني وأعيش في قربك نعيم
في بحر حبك شوف محبوبك من أشواقه نَهِم

وشلون ما أحبك وأنا حتى بتفاصيلك أهيم
أنت الغلا اللي عشانه جيت وغيرك ما يهم

كثر الغلا وكثر الوله يا حب يسكن في الصميم
ودامي معك ما أملك إلا أحمد الله وأبتسم

حبك مثل غيثٍ هطل في داخلي وأحيا الهشيم
وعساني من حبك ومنّك يا حبيبي ما أنحرم

حبك حقيقة راسخة والشوق فيني من قديم
ما يقبل أنصاف الحلول ما كان أبد عمره وهم

تبقى لي الحب الكبير بخافقي وانته الحشيم
تأمر على روحي وتنهـاها وألبّي لك نعم

اغنية جيتك – فؤاد عبدالواحد
Jeetak – Fouad Abdulwahed

المزيد من أغاني فؤاد عبدالواحد
وينك
عشق القلوب
هند
ليت تسمحلي
غيابك يوم