كلمات كلمات اغنية لا تلومونه فهيد النتيفات و
بو عيونٍ طرفها غلاب
صوبت قلبي وطاح وذاب
والمنايا من ورى الاهداب
والدواء والداء من عيونه
الله اكبر يوم طـل و بان
من رى الجلباب والفستان
الـقـوام المايس الفتان
غاية عيوني يشوفونه
قلبي بملحه و حلوه تاه
ولونه وشكله وطعم شفاه
بالحلا سبحان من سواه
و العسل منّه يصفونه
بو ثمانٍ حين يتبسم
كنها الا من ورى المبسم
البرد والجمر والبلسم
لبى والله ضحكة سنونه
بالحلا مايشبهه مخلوق
فارقٍ فيه الحلا و الـذوق
في الصداره مركزه من فوق
والخلايق بعده و دونه
عن سواه من البشر والناس
مايسج البال و الهوجاس
مالحسنه وصفٍ و مقياس
فيه قلبي لا تلومونه