كلمات دلعها لـ

الدّنيا تحبّ نعيشها
والرّك على التّركيبة
فينا اللّي بورد فارشها
وفينا اللّي سايبها كئيبة
روّق نفسك دلّعها
وافرح وارقص ولّعها
الدّنيا دي عايزة لعيبة

كتّر أفراح عالآخر
وانسى همومك من بابها
عيش واحلم يلّا وسافر
حبّ الأيّام تكسبها
اعمل للفرح إقامة
كبّر مش طالبة دراما
عيش وأنت تدوق مكسبها

اضحك للنّاس تضحكلك
الضّحكة تكونلك عادة
بالضّحكة تحلّ مشاكلك
تقلب دنيتنا سعادة
دنيتنا مصيرها فإيدنا
لو نعرف أيّ بيسعدنا
ونكتّر منه زيادة

الدّنيا جميلة بناسنا
واللّي هيتعبنا يسبنا
معمولة كدا على مقاسنا
بأصحابنا بقى وحبايبنا
مش عايزين ناس قلّابة
ولا حزن وجوّ كآبة
عاوزين بس اللّي حاببنا

مالهم نريّح بالنا
نبدأ يلّا من اللّيلة
بإيدينا نغيّر حالنا
نرقص نعمل هليلة
نقفل حسابات مفتوحة
ونهدّي قلوب مجروحة
ونشيل مع بعض الشّيلة

اضحك للنّاس تضحكلك
الضّحكة تكونلك عادة
بالضّحكة تحلّ مشاكلك
تقلب دنيتنا سعادة
دنيتنا مصيرها بايدنا
لو نعرف أيّ بيسعدنا
ونكتّر منه زيادة

اغنية دلعها – منير زايد
Moner Zayed – Dala3ha