كلمات دلعها
✍️ كلمات: احمد حسن راؤول
🎼 ألحان: سامر ابوطالب
الدنيا تحب نعيشها
والرك على التركيبه
فينا اللي بورد فارشها
وفينا اللي سايبها كئيبه
روق نفسك دلعها
وافرح وارقص ولعها
الدنيا دي عايزه لعيبه
كتر افراح عالاخر
وانسى همومك من بابها
عيش واحلم يلا وسافر
حب الايام تكسبها
اعمل للفرح اقامه
كبر مش طالبه دراما
عيش وانت تدوق مكسبها
اضحك للناس تضحكلك
الضحكه تكونلك عاده
بالضحكه تحل مشاكلك
تقلب دنيتنا سعاده
دنيتنا مصيرها فايدنا
لو نعرف اي بيسعدنا
ونكتر منه زياده
الدنيا جميله بناسنا
واللي هيتعبنا يسبنا
معموله كدا على مقاسنا
باصحابنا بقى وحبايبنا
مش عايزين ناس قلابه
ولا حزن وجو كئابه
عاوزين بس اللي حاببنا
مالهم نريح بالنا
نبدا يلا من الليله
بايدينا نغير حالنا
نرقص نعمل هليله
نقفل حسابات مفتوحه
ونهدي قلوب مجروحه
ونشيل مع بعض الشيله
اضحك للناس تضحكلك
الضحكه تكونلك عاده
بالضحكه تحل مشاكلك
تقلب دنيتنا سعاده
دنيتنا مصيرها بايدنا
لو نعرف اي بيسعدنا
ونكتر منه زياده