كلمات مع إني صُغير
أغنية: مع إني صغير
بأكلم
نفسي
وبأرد عليها
بأواسي روحي
بالكلام عشان تعيش
عشان تعيش
محتاج لصوت
وخايف لا الغنا ما يجيش
ويغيب من قلبي الضي
وتبور الغيط اللي زارعها
وتروح ف مافيش
عطشان
شايل على كتفي همومي
حيران
وبأحاول أسرق من يومي
حبة نَفَس
تشد الصُبح وتجيبه
جايز نصيبُه من نصيبي يبان
والخيط اللي ما بينا
واللي كان
يرجع
يعيش
درويش
السبحة في جيبي
ما خادتش العهد
ما عادتش تفكر
أو تسأل عن طعم الإيد
والسر بعيد
اكمن الغُربة
فوق كَسِرة نفسي
مش عايزه تفوت
ومش فاهم ايه الحِكْمَة
مش عايز أموت
ومش طايق جهلي
نفسي في إجابة توضح لي:
أنا ليه مَكروه م الرب
مع إني صُغّيَر؟!