كلمات أنا معارض

واقعنا خرا... من ثورة قلبت مسخرة
من تحت الزنار... إيدين بتلعب من ورا
حكومة انتقالية بساعة خلص الفرز
توقعنا الفايز قبل سنة و تعلمنا درس
ائتلاف عقيم بالحركة و الكلام
من قلب الفندق بيعوي نرفض الاستسلام
نظام ابن حرام جيش طبعو دامي
بس الحالي الجيش الحر نصو قلب حرامي
لا تقلي خاين... عم بحكي واقع قدامك
نهب و سرقة و تشليييح وراك و أمامك
ناس همن واحد... واقع جبهة النصرة
كتائب إسلامية عم تحيد عن درب الثورة
و العلماني قال يعني عم يوضح الصورة
سوريا كانت مزارع بس هلأ صارت بقرة
بقرة بيحلبا كل مين شال السلاح
مر سنتين على الثورة و السقووط لاااح
أنا معارض... لأسيادي و سيداتي
أنا معارض... بدي إطلع من سباتي
أنا معارض... أي خطأ بيمس بلادي
أنا معارض... لكل مين جاب الأعادي
أنا معارض... لكل مين تاجر بديني
أنا معارض... لرئيس قتل حنيني
أنا معارض... للكلام و كاني ماني
أنا معارض... للمتأسلم و العلماني
أنا معارض... لكل مين خان بسوريا
أنا معارض... و الحجارة بتشكي فيا
أنا معارض... علوا الصوت و اسمعوني
أنا معارض... بعد هالكلمة لا تخونوني
متغرب عن بلادي من يوم ولدتني أمي
هلأ جاييني يقلي هربان و خاين ل دمي
من إيمت المتغرب خاين لبلادو ليش ؟!
فكرة غبية مزروعة بثورة للأسف طيييش
بالجيش الحر حامل سلاح يلا شوفوني
صوروني و حطوني عالفيس حتى يحبوني
ثوار الفيسبوك عم يتفلسفوا عالجيش الحر
أبطال التنظير وقحين بالكر و الفر
أنا عرفان حالي... كلامي وقعو قاسي
بس إنت عريف حالك... إنك وطتلي راسي
إنك خونت فيني... إنك شككت بديني
إنك وجهت سلاحك لمصدر صوتي و أنيني
أنا معارض... أيوا... ماني مؤيد
أنا معارض... فشر... ماني محايد
أنا معارض... للأسف كلامي فارط
بدل ما كون فارض... نقاش بمستوى هابط
أنا معارض... لأسيادي و سيداتي
أنا معارض... بدي إطلع من سباتي
أنا معارض... أي خطأ بيمس بلادي
أنا معارض... لكل مين جاب الأعادي
أنا معارض... لكل مين تاجر بديني
أنا معارض... لرئيس قتل حنيني
أنا معارض... للكلام و كاني ماني
أنا معارض... للمتأسلم و العلماني