كلمات راحت بقلبي

البارحة صمتي عن الشعر محذوف
كتبت من منتوج فـكري قصيدة
شاعر وأعرف إن أعذب الشعر مألوف
أما قديم الشعر ولا جديدة
عساه اتعبي لا طول الوقت مخلوف
عساي من حط ونعم في رصيده
أنا بدوي في مباديه معروف
علاقتي مع المبادي وطيدة
علاقتي مع المبادي وطيدة

أشوف لي أشياء ولا كأني اشوف
روحي لو اشقيها ما هي مستفيدة
الناس ذا عاقل ذاك مخفوف
وكل بٌرايا يزعم إنه وليده
ما أشين من الرجال لا صار ملقوف
يصير لخباث الهناديب صيدة
خلك حيادي بين صادف ومصدوف
تسلم وتزهد في الحياة الزهيدة
تسلم وتزهد في الحياة الزهيدة

صفق الهواء ما هو مغير جبل عوف
والله من غير الله اللي يبيده
الغاية اللي دونها يزمي الخوف
تجيبها عزوم الرجال الشديدة
كم لي وأنا لمنادم الليل ملهوف
تقول وسط الصدر نار وقيدة
عيني جفاها النوم والقلب مخطوف
والليل فيه المغريات العديدة
والليل فيه المغريات العديدة

سريت فوق اللي على دربه يطوف
كل المواتر لين رسا بسيده
من قال وش جاري لك؟ أجاوب ظروف
من الرياض أبي ضـواحي بـريده
وأنا ما أبا إلا ديرة تملك الجوف
ما هي عن بريده وأهلها بعيدة
ما هي عن بريده وأهلها بعيدة

راحت بقلبي مهرةً زينة وصوف
أم الوصوف النادرات الفريدة
في غيرها والله ماني بمكلوف
من راح ولا حل فرصة سعيدة
ما يقتل أصحاب الهواء رماح وسيوف
قناعة العاشق في قلبه وبإيده