كلمات حكايتنا
حكايتنا
كل الناس كانت تحكيها
على اسمي كنت مسميها
أول صوت يبقى مصحيها
وفكل مكان إيدي فإبديها
بتحبني وبموت فيها
ومن برد الشتا بادفيها
وفي أي حتة باوديها
واتقلبت كل حاجه في دقيقة
اختفت عني وعن حياتي
كنت بادور عليها يوماتي
وباعد في ايامي وساعاتي
وباتفرج على شاتها وشاتي
وبفتكر أيام الجيلاتي
وأنا قاعد اقلب في حاجاتي
وقبل ما أنام كنت اسمع صوتها
وبشوفها في كل فيديوهاتي
وبعد مليون اتصال
مابين مغلق وانتظار
فهمت القصة والحوار
إن مشيوا حبايب الدار
عدت فترة ونفس الحال
ولا كان يخطر كده عالبال
واكتشف انها باعت نفسها
للي معاه اموال
الحب خلاص مابقاش ينفع
إلا للي معاه كاش يدفع
فبلاش تتعشم ع الفاضي
علشان وقعته صعبه بتوجع
واللي يروح ابدا ما هيرجع
والأغلب في الزمن ده بيخدع
الكلام فجأة تلاقي عاكسه
وأقرب ماليك تعبان بيلدع
ومش أي واحدة تأمنلها
ولا تصدق حاجه من بوقها
إلا لما تكون متأكد
إنها حباك من قلبها
مش معنى إنك مرتاحلها
وإن قلبك يوم حبها
ومهما عيشت سنين جمبها
لازم تكون مفوقلها
الحب ده طلع أكبر وهم
تاخد في قلبك مليون سهم
ومهما عملت ده مفيش دم
النكد غية يموتوا في الغم
مش أي واحدة تبقى أم
في زمنا اغلبهم نص كم
فماتسعجلش في اختيارك
لاحسن يأكلوك الطعم
بتحبني وبموت فيها
ومن برد الشتا بادفيها
وفي أي حتة باوديها
واتقلبت كل حاجه في دقيقة
الحب خلاص مابقاش ينفع
إلا للي معاه كاش يدفع
فبلاش تتعشم ع الفاضي
علشان وقعته صعبه بتوجع