كلمات مناقيش
انت الماضي فيك ده المتحكم
وشيطانك منك متمكن
علشان كده على طول متعكنن
زي العيل اللي بيسنن
وانا اكبر منك وبعلم
اجيال يابني افهم واتعلم
هتعيش فيها دور المعلم
على نفسك بس انت اتجنن
لو عايز تفهم افهمك
بالمنطق شيندو يعلمك
احسن ما الدنيا تندمك
وسيجارتك تفضل توهمك
والصحبة دايما بتألمك
بكلام صعب وبتأدبك
بتلاقي نفسك كده ترتبك
اول ما بظهر انا باركنك
والدنيا يا ابني عايزة خبرة
في ايد الخيط وايد الابرة
والمضمهم تتطلعلك فكرة
وانت مصمم تبقى نكرة
ولا عمرك كده هاتسيب ذكرى
ما انت بتزامل ناس عكرة
طمعانين بس في التركة
وبتعدي عليك فترة طيش
وبتتباع وقتي لشاويش
فبتيجي تدور متلاقيش
فبتطلع تضرب وتعيش
وتعلى بحبة مناقيش
وبتصحى كل يوم من نومك
بتستنى منهم البقشيش
وابقى سلم على صحتك
واشربلك كاس وفصحتك
ما انت فرحانلي بصاحبتك
وفلوس الدنيا غرتك
ما الكل عليك بيبصلك
ويقولك انسى كرتلك
فبتمسك فيهم تشاكلهم
وكل مرة اجيلك اسلكك
مش كلها دخلت وجابتهم
في معلمين ياما غلبتهم
وافتكروا رجليهم شالتهم
واتفاجئوا لما قعدوا في بيتهم
الغلط طلع في حسبتهم
نفسهم اللوامة كسرتهم
وفي سكة شر وطلبتهم
في الحال بينفذوا اوامرهم
والشدة بتظهر النفاق
وبتحضر لحظة الغباء
وبتفضل تدخل في خناق
والماضي بيرجع كده يلقاك
والناس بتبقى يابا كرهاك
علشان من جواك سلكان
فمبتلاقيش حد وياك
فبيبقى شكلك بهتان
بتعيشوا فيها بمليون وش
وفي وقت الجد كله يكش
وبتكتشف انك كده وحدك
ولابتهش وولا بتنش
موجود وكانك ولا جيتش
كلها هتقولك معلش
فبلاش تجويد بقى ما تزيطش
علشان عندك واقع الريتش
انت الماضي فيك ده المتحكم
وشيطانك منك متمكن
علشان كده على طول متعكنن
زي العيل اللي بيسنن
وانا اكبر منك وبعلم
اجيال يابني افهم واتعلم
هتعيش فيها دور المعلم
على نفسك بس انت اتجنن