كلمات المشاوير

وبقالنا كتير كتير نقطع في تذاكر
نيجي ونسافر آه م المشاوير
في القطر سافرنا .. مركب وركبنا .. طيارة وطرنا
لفينا الدنيا وتعبتنا وأخدنا إيه
غير قلة راحة في دنيتنا وده كله ليه
وليالي الغربة قتلتنا .. بعدتنا كتير قوي عن بيتنا
يا عزيز عيني وحشوني أهلي وبلدي
يا عزيز عيني رجعني لحبي الأبدي
بلدي يا بلدي .. وأنا بدي أروح بلدي
وبقالنا زمان زمان نبتدي مشوار
ينتهي مشوار وكأنه ما كان
لا الشط وصلنا .. ولا الشوق وصلنا لآخر مشوارنا
أما إنتي يا دنيا تعبتينا وأخدنا إيه
غير قلة راحة ظلمتينا وده كله ليه
والعيشة في الغربة تعبتنا .. بعدتنا كتير قوي عن بيتنا
يا عزيز عيني وحشوني أهلي وبلدي
يا عزيز عيني رجعني لحبي الأبدي
بلدي يا بلدي .. وأنا بدي أروح بلدي
وبقالنا يا هوه يا هوه إحنا المساكين
ننده ويا مين راح يسمع أخوه
بس محبتنا .. وسنين عشرتنا . حتعيد لمتنا
وتشوفي يا دنيا من تاني أحلى الأيام
وليالي حنسمع في أغاني مفيهاشي آلام
وليالي الغربة حننساها .. ودموعنا حتنتهي وياها
يا عزيز عيني الحب هيرجع بلدي
يا عزيز عيني راح أغني تاني لبلدي
بلدي يا بلدي .. وأنا بدي أروح بلدي