بين الحضاره والبداوه ممزوج حسنك كلها فيه فيك البراءه والعفاوه فيك اغتناج الحسن والتيه كلك عسل كلك حلاوه والشهد من شهدك مصفيه مجروح والمجروح داوه من رد شانه لاتخليه انا بدوي عاش بشقاوه عاف الشقى وانت تشقيه في ذاكره فكري خلاوه ومخيلاتك تشتغل فيه تجيني من صدودك غشاوه يموت به حسي ويحيه مابيني وبينك عداوه الا قدر غالي لغاليه خذني بطيبك والحفاوه خفف دلع فيني تسويه سميت واخترت السماوه باسم الغلا خلي اناديه