كلمات طواري القنص

طرالي و انا في خايع حفته الازهار
طواري و اقمت اردف لي البيت بالبيتين
بلحن تولع به هل الصيد و السمار
عليه العذارى تردح الصوت من ليلين
و انا شاعرا بيني و بين القصيد اسرار
قبل ما تنور كهربه في بيوت الطين
اعيشه عمر و اتنفسه ليل و الا نهار
خصوصا اذا هيضني الي كساه الزين
عشيرا عيونه زينها من قبل ما صار
و لا شفت مثله لا بوحده و لا ثنتين
له القلب يخفق خفق حرا سريع طيار
على كف صقارا شميمي و احمر عين
يشوفه بعين الشوق ان رد و الا سار
و تقاطيع زينه كم يغني بها السارين
عليه الوصايف م اليوازي و من الامهار
تفوق على الخرد بخدا و قد و لين
طرالي و راح القلب ينقى الحروف ابكار
من افكار يوم اهل الولع بالقنص سالين
و انا ارد بيت في ضمير المعنى دار
اسولف به لنفسي و على الطير حين وحين
يا زين الربيع و طله الصبح عند نهار
على قاع ما فيها سوى الخرب و ام عدين