كلمات شوفته عيدي

مايزين العيد غير بشوف خلي
شوفته عيدي وهو غاية مرادي
مشفي لشوفه واضنه مشفي لي
والوله والشوق له ماهوب عادي
ياعديل الروح لامن قلت قلي
من غلاك ابدع واهيم بكل وادي
ياجميله مع هلال العيد طلي
طلتك أجمل تفاصيل العيادي

والمشاعر كلها بأسمك تنادي
ويش اعدد في وصوفك ويش اخلي
الحلا زايد وفيك الملح زادي
من حلاوة وجهك اللي مايملي
وصوتك المبحوح لسموعي قنادي
ومن وسع عينك ومن نضراتك اللي
تسجنك في قلبي بسجن انفرادي
فارع بالطول والعنق متعلي
ولامسكت الخصر شبكت الايادي
طيفك يرافق خيالي لين أصلي
وابتسم لامر طيفك لاأرادي

وفي وصالي يابعد روحي تمادي
مالغيرك بالغلا لو ربع ملي
ولاحد غيرك بيسكن في فوادي