كلمات ياروح الدار

ياروح الدار وانفاس القصيد ونسمه الاشعار
ياحلمي الاول اللي عشت فيه وحلمي الاتي

حبيبه قلبي اللي تعزف ب قلبي لحن واوتار
على خطواتها وانفاسها تعزف كتاباتي

تعالي يابعد روح المدينه والبشر والدار
تعالي واسكني في وسط صدري واسكني ذاتي

احبك واعشقك واخترتك وقلبي هو المختار
يا طيب الحظ في قربك ويا طيب اختياراتي

احبك كثر ما رفرف جناح العشق فيك وطار
واحبك كثر ما مرت طيوفك في خيالاتي

واحبك كثر ما في طلتك حب ورضى وانوار
واحبك كثر ما وجهت لك كل اتجاهاتي

واحبك كثر ماهب الهوى الغربي على الاشجار
واحبك كثر ما سارت على لقياك خطواتي

لو اخسر كل هالدنيا و اهلها انتي الاقدار
انا اللي منتصر في شوفتك يا اغلى انتصاراتي

غرامك يجري ب دمي مثل ما تجري الانهار
ووجودك يحيي عروق الغلا ويلملم شتاتي

من اللي ماتغار ان شافتك حتى النجوم تغار
في عتم الليل يسطع نور وجهك فالدجى العاتي

يقولون العمر مشوار وانتي غايه المشوار
لاخر يوم في عمري و قربك كل غاياتي

معك واعاهدك ما اخون حبك والعهود كبار
هذا عهد الوفاء مني و هذي اعذب ابياتي