كلمات ما ينعذر
ماينعذر قلبن تولع في الغرام وماحسب
حسبة حسابات الضعيف اللي تحت رحمة قوي
اثر على قلبي غلاه اللي على العمر انكتب
صارت حياتي تحت حكمه بالمحبه تنطوي
قولو لعذال الهوى كفو ملامات العتب
بالحب مايفرق هوى المجنون والعقل السوي
واللي يدور له سبب يلقى له اعذار وسبب
حدن يحب الحب موت وحد حبه معنوي
واقسى الامور اللي تسبب في حياتك لك تعب
ان الخوي في حزة الضيقات مايلقى خوي
واكبر علامات التصنع في حياتك والعجب
تترك قناعاتك وتمشي درب ما لا تهتوي
من اجل عينه كل ها العالم بكبره والعرب
عندي رضاهم والزعل في شف خلي مستوي
واللي تعود ع الظما يصبر واذا منه شرب
مايشرب الا من قراح انهار منها يرتوي
واسهل علامات الامانة كلمتن صدق او كذب
تعرف بها اللي قالها وش مستواه التربوي
واللي تعنى في لهيب النار وبجمره لعب
يلعب بنارن يمكن انه من لضاها يكتوي
واللي ترك طيفه في بالي يوم هو عني ذهب
يدري بان القلب من نشوة غرامه يحتوي
اللي حنانه وسط نبض القلب والدم انسكب
واجبر ضلوعي من غلاه ومن ولهها تنزوي
واللي دخل باب الجدال اكيد قلبه يرتهب
يسمع صدى صوت الذياب اللي من الجوع تعوي
واللي اخذ لحظة قراراته مع ساعة غضب
يمكن يمر بمرحلة لحظة ندمهاا ماسوي
والمشكله الانسان كانه ما على نفسه غلب
يصعب على نفسي تشوف انسان همه دنيوي