كلمات شرب المياه
"يا جدعون..
لسه الجيش كتير..
انزل بيهم على المياه..
هناك هصفي ليك العدد..
وأقولك مين اللي لي"
يا رجالة ارتاحوا شوية
والكل يقرب للمياه
ارووا عطشكم واستعدوا
للمعركة اللي جيه
يا عساكر ارموا الدروع
وانزلوا اوام عالمياه
ارووا عطشكم وارتاحوا
انا عايزكم مية مية
يا رجالة السلاح في إيديكم
واوعوا تسيبوه ثانية
اشربوا بكف الإيد
وعينيكم صاحية عالدنيا
المياه صافية وبتروي
نزلنا بوشنا فيها
شربنا بلساننا و نسينا
الدنيا بـكل ما فيها
شربنا بكف الإيد قوام
ومحدش فينا ساب سلاحه
عيوننا صاحية وبتراقب
كله هيكمل كفاحه
"اللي نزل ولحس بلسانه
مشيه وخليه يرتاح
واللي شرب بكف إيده
هو ده ليا سلاح"
"يا رجالة..
اللي شرب بلسانه..
يرجع بيته وسكته امان.
واللي شرب بكف إيده..
هييجي معايا يحارب شعب مديان."
العدد صفى على ٣٠٠
بس القلوب كانت صاحية
معاهم ايد ربنا قوية
تحاوطهم من كل ناحية